Vuçiç: Pse ndërkombëtarët nuk reagojnë për Shqipërinë e Madhe

Presidenti serb Aleksandër Vuçiç thotë se ndërkombëtarët nuk po reagojnë për mesazhet e kryeministrit Albin Kurti, që sipas tij, po ëndërron krijimin e Shqipërisë së Madhe.

Duke komentuar vizitën e Kurtit javën e Kaluar në Maqedoninë e Veriut, Vuçiç tha se nëse ai do të kishte dhënë mesazhe të tilla, kritikat nga SHBA dhe BE do të ishin shumë më të mëdha.

Në një intervistë për median serbe, Vuçiç tha se veç Kosovës Serbia po përballet me presione të madha për vendosjen e sanksioneve kundër Rusisë. Sipas tij, qeveria serbe nuk ka bërë asgjë të gabuar duke ruajtur lidhjet me Moskën. Vuçiç thotë se artikujt në disa media ndërkombëtare që e përshkruanin atë dhe qeverinë e tij si të korruptuar janë pjesë e një skeme për të dëmtuar Serbinë.

Serbia është një nga vendet e pakta që nuk ka pranuar të vendos sanksione ndaj Rusisë për shkak të agresionit ndaj Ukrainës.

LEXONI GJITHASHTU: 

• Shahu, një nga sporte më të preferuara të fëmijëve qytetin e Gurtë
• Bllokohet autostrada e Elbasanit/ Qytetarët: Kemi mbi 30 minuta që presim