“Vuçiç, zjarrvënës i Ballkanit”, Der Spiegel: Zhvillimet po dalin jashtë kontrollit

Media e njohur gjermane ‘Der Spigel’ në një artikull të fundit për Ballkanin, shkruan se politikat e presidentit serb po bëjnë që ky rajon të dalë jashtë kontrollit.

Politika qe po ndjek Beogradi ndaj zhvillimeve në rajon, rrezikon të ndez sërish Ballkanin. Revista e njohur Gjerman, Der Spigel, shkruan në një artikull se Serbia po tolerohet në mënyrë flagrante nga ndërkombëtarët.

Sipas revistës gjermane, veprimet e Beogradit dhe gjuha që përdoret nga Aleksandër Vuçiç mund t’i vërë flakën Ballkanit. Sulmi ndaj ushtarakëve të KFOR në veri të vendit, armatosja nga Kina dhe mos sanksionimi i Rusisë, janë zhvillime duhet të kishin tjetër sjellje nga Brukseli dhe Uashingtoni.

Media gjermane shkruan se është e pakuptueshme se si me gjithë këto probleme, një pjesë e diplomacisë perëndimore e shikon Vuçiçin si një faktor stabiliteti. Në artikull përmendet dhe kreu i Shërbimit Sekret serb, Aleksandër Vulin, i cili njihet si mbështetës i flaktë si Rusisë dhe një prej njerëzve që thirrjet nacionaliste kundër popujve të tjerë të rajonit i ka deklaruar rregullisht në fushatë elektorale. Vuli flet për ‘botën serbe’ njëlloj siç Vladimir Putin flet për ‘botën ruse’.

Sipas medias gjermane, kreu i shërbimit sekret thotë shpesh në publik atë që nuk mund ta thotë Aleksandër Vuçiç.

Në shkrimin e Revistës gjermane kritikohet dhe i dërguari i BE-së për dialogun Kosovë-Serbi, Miroslav Lajçak. Ky i fundit ka reaguar në nivelin e duhur, gjatë një takimi ku Vuçiç pretendon se populli serb në Kosovë i është nënshtruar “përndjekjes më të tmerrshme”.

LEXONI GJITHASHTU:

• “Reagim më i fortë ndaj Vuçiç”, politikanë të disa shteteve letër publike SHBA e BE
• Vuçiç: Serbia do të injorojë sanksionet amerikane ndaj politikanëve serbë