McLaren njoftuan marrëveshjen me Kreun e Strategjisë së Garave te Red Bull, Will Courtenay që do të mbajë postin e Drejtorit Sportiv në skuadrën e re. Ai do të largohet nga Red Bull pas dy dekadave duke punuar për ta që në momentin kur skuadra njihej si Jaguar.
Firma e tij është pjesë e projektit përforcues për McLaren dhe Courtenay do të raportojë tek Drejtori i Garave, Randeep Singh. Njoftimin e dha Team Principal, Andrea Stella që vlerësoi eksperiencën, profesionalizmin dhe pasionin për motorsportin që gjen tek Courtenay.
Mirëpo McLaren duhet të presë më pak se dy vjet për të bashkëpunuar me inxhinierin anglez i cili do të plotësojë kontratën e mbetur te Red Bull, deri në mesin e vitit 2026”. Courtenay bëhet i treti anëtar senior që zgjedh të lërë Red Bull në 6 muajt e fundit.
Adrian Newey vendosi të pranojë ofertën e Aston Martin ku do të jetë Partner në Menaxhimin Teknik. Drejtori Sportinv, Jonathan Wheatley do të jetë Team Principal te Audi nga viti i ardhshëm.
Ndërsa Red Bull promovoi inxhinierin e garave të Verstappen, Gianpiero Lambiase në rolin e Drejtuesit të Garave. Courtenay gjen te McLaren, ish kolegun e Red Bull, Rob Marshall që u bashkua me skuadrën angleze në fillimin e këtij viti.
LEXONI GJITHASHTU:
