Williams akord me Barcelonën/ Gati kontrata 6-vjeçare, 8 milionë euro në sezon

Niko Uilliams dhe Barcelona kanë gjetur akordin, me futbollistin i cili do të firmosë një kontratë 6-vjeçare. Paga e tij te blaugranët përllogaritet afro 8 milionë euro në sezon.

Nico Williams dhe Barcelona tanimë mund të kosniderohet marrëveshje e mbyllur, për faktin se futbollisti ka arritur akordin me blaugranët. Prej kohësh kishte vendosur ultimatumin se do të largohej nga Bilbao vetëm për atë skuadër, duke i mbyllur derën Bayernit dhe ekipeve të tjera të interesuara, e duket se dëshira e tij u bë realitet. Sipas mediave spanjolle, palët kanë gjetur dakordësinë me njëra-tjetrën, me anësorin që do të përfitojë afro 8 milionë euro në sezon, në një kontratë të firmosur për 6 vite.

Megjithatë drejtuesit e klubit blaugranë kanë ende punë, pasi deri më 1 korrik u duhet që të rregullojnë bilancin financiar, në mënyrë që Ëilliams të pranohet. Për këtë nuk do të jetë shumë e vështirë, pasi një pjesë e futbollistëve janë në shitje, duke siguruar kështu gjithçka përpara afrimit të spanjollit 22-vjecar.

Atletik Bilbao vazhdimisht ka treguar se nuk i lë të largohen futbollistët pa u plotësuar të gjitha kushtet, e diçka e tillë ndodh dhe në rastin e Williams, ku Barcelona duhet të tregohet korrekte sa i përket aspektit financiar, duke i shlyer të gjitha detyrimet. Williams e kishte deklaruar dhe merkaton e shkuar që ishte pro transferimit në Camp Nou, e tanimë kjo lëvizje është drejt zyrtarizimit.

LEXONI GJITHASHTU:

• Inter-Barcelona përballen për finalen e Champions League, të gjithë sytë nga Italia
• Barcelona me hap kampioni, përmbys në transfertë ekipin e Valladolid