Ministrja e Jashtme e Shqipërisë, Olta Xhaçka gjatë takimit të Këshillit të Sigurimit në OKB tha se ‘bota duhet të dëgjojë atë që po ndodh në Ukrainë’.

Mbledhja e mbajtur në Këshillin e Sigurimit ishte takim për llogaridhënien në Ukrainë, i organizuar nga Shqipëria dhe Franca.

Xhaçka tha se deri tani Prokuroria e Përgjithshme e Ukrainës ka ‘dokumentuar mbi 8 mijë raste të krimeve të kryera nga ushtria ruse në Ukrainë’.

Ministrja e Jashtme tha se lufta rikujton atë që ka ndodhur në luftën e Kosovës në 1999, ku u vranë njerëz të pafajshëm.

Ajo tha se si anëtare e Këshillit të Sigurimit në OKB, Shqipëria nuk e bën këtë vetëm për shkak të asaj që ka ndodhur në Kosovë por për faktin se ‘bota ka detyrimin të bëjë drejtësi për njerëzit në Ukrainë’.

Lufta në Ukrainë tha Xhaçka tregon se bota ende nuk ka rrugë efektive për të ndaluar ngjarje të tilla.

Ministrja shtoi se Rusia si vende anëtare e përhershme e Këshillit të Sigurimit duhej të ishte mbrojtëse e ligjit ndërkombëtare.

“Rusia ka kryer krime të paimagjinueshme”, tha Xhaçka duke kërkuar që të gjitha vendet ta dënojnë veprimin e Moskës.