“Xhelozia, kripa e dashurisë”- Tupja tregon pse u tërhoq nga libri “Macja”

Profesor Edmond Tupja ishte këtë të premte i ftuar në emisonin “Good Morning Albanians” për të folur për librin e fundit të përkthyer prej tij, “Macja” e Gabrielle Colette. Ai ka ndarë për Euronews Albania disa detaje nga ky libër.

“Macja e ka emrin Saha. Ajo jeton në një shtëpi me të zotin; ata kanë një kopsht me lloj-lloj lulesh dhe lloj-lloj pemësh ku ajo ka mbretërinë e saj. I zoti do martohet e bën plane për të jetuar në një apartament. Alen vret mendjen se si do përshtatet macja e tij me këtë jetë të re.

Kamila, gruaja e Alenit, shikon se ai i kushton shumë kohë dhe vëmendje Sahasë, e këtu lind një fije xhelozie. Xhelozia është kripa e dashurisë, por me karar.

Këtu fillon një përplasje e lehtë në jetën e çiftit, por pas kësaj krisje çifti ka një lidhje më të fortë. Ka një fund që unë nuk po e them, por ishte shumë i papritur për mua. Unë e kam lexuar këtu e gjysmë shekull më parë, ndërsa nisa ta përktheja kur filloi pandemia”,-tha Edmond Tupja.

LEXONI GJITHASHTU:

• Francë/ Polici që vrau adoleshentin i kërkon falje familjes së viktimës
• “Harrojeni! S’ka marrëveshje”, Kulla: Kohë e humbur, Vuçiçi po rrit pazarin