Xheni Karaj për vendimin e Melonit: Traumë psikologjike dhe morale për çiftet LGBTQ

Xheni Karaj e ka komentuar vendimin  e qeverisë italiane dhe kryeministres Giorgia Meloni për të mos i lejuar çifteve LGBTQ të regjistrojnë fëmijët e tyre, si veprim të një qeverie fashiste.

E ftuar në një lidhje direkte në emisionin “Good Monring Albania” në Euronews Albania, aktivistja tha se ky vendim është shkelje e të drejtave dhe e dinjitetit dhe shkakton një traumë në të gjithë çiftet e LGBTQ.

“Unë do ju ftoja të mendoni se një ditë ju zgjohuni nga gjumi dhe kuptoni se një qeveri fashiste ju ka hequr të drejtën e të qenurit prind. Mendoni se me ç’traumë psikologjike dhe morale përballen këta prindër dhe fëmijët e këtyre prindërve përballe këtij fakti.

Ndërkohë që ti e rrit atë fëmijë me dashuri dhe sakrifica duke e parë si dritë në sy. E vjen një politikane, e cila dihej, e të thotë se ti nuk je më prind i fëmijës tënd.

Njëri prej partnerëve nuk ka më mundësinë të marrë asnjë vendim mbi shëndetin e fëmijës, nuk ka të drejtë të udhëtojë jashtë vendit, sepse ti nuk quhesh prind, nuk ke të drejtë ta regjistrosh në shkollë, sepse nuk është fëmija jot. Imagjinoni sa shkelje e rëndë e dinjitetit është”,-tha aktivistja Xheni Karaj.

LEXONI GJITHASHTU:

• Konspiracionisti: Ndarja e Afrikës në 2 pjesë çështje politike, fetare e ekonomike
• Vendim i padrejtë? Të paktën 150 fëmijë në Itali nuk do të kenë prindër ligjërisht