Ylli Gurra: Nuk besoj se ka shqiptarë në grupimin e Hamasit

Vijon të jetë shumë e rëndë situata në Izrael, teksa viktimat po shtohen orë pas ore. Sipas dëshmisë së dhënë nga disa persona që jetojnë në Izrael terroristët thërrasin “allahu ekber”, teksa kryejnë veprime monstruoze. Ata pretendojnë se po i vrasin, dhunojnë dhe rrëmbejnë izraelitët në emër të fesë.

Ish-myftiu i Tiranës Ylli Gurra tha në emisionin GoodMorning Albanians në Euronews Albania se  në grupimin e Hamasit nuk ka shtetas shqiptarë.

“Shteti i Izraelit në raport me shqiptarët, që kanë ruajtur jetën e qindra hebrenjve gjatë luftës, është treguar shumë pozitiv, por deri para pak vitesh kur ka qenë me viza, vizita atje nuk ka qenë e lehë. Nuk besoj të ketë shqiptarë në grupin e Hamasit. Është shumë më e vështirë se në rastin e Sirisë përfshirja e tyre për shumë arsye”, tha Gurra.