Ylli i City-t shpallet i pafajshëm, gjykata liron nga akuzat për përdhunim Mendyn

Ish-futbollisti i Manchester Cityt, Benjamin Mendy, është liruar nga akuzat për përdhunim të një gruaje dhe tentativë për të përdhunuar një tjetër.

28-vjeçari u akuzua se kishte sulmuar një grua 24-vjeçare në rezidencën e tij prej 4 milionë funtesh në Mottram St Andrew, Cheshire në tetor 2020.

Mendy u akuzua gjithashtu për tentativë përdhunimi të një gruaje tjetër, 29-vjeçare, e cila tha se ai gjithashtu e kishte ngacmuar atë në shtëpinë e tij dy vjet më parë.

Kjo vjen pasi ai u lirua nga akuzat për gjashtë përdhunime në një gjyq të mëparshëm në janar.

Futbollisti francez shpërtheu në lot ndërsa vendimet e pafajësisë u lexuan nga drejtuesi i jurisë pas një gjyqi tre-javor në Chester Crown Court.

Juria e përbërë nga gjashtë burra dhe gjashtë gra diskutoi për rreth tre orë e 15 minuta përpara se të arrinte në përfundimin e saj.

Gjykatësi Steven Everett tha: “Z. Mendy mund të shkarkohet nga banka e akuzës”.

Futbollisti, kontrata e të cilit me Manchester City skadoi në fillim të këtij muaji, u lirua në gjyqin e mëparshëm nga gjashtë akuza për përdhunim dhe një akuzë për sulm seksual, në lidhje me katër vajza të reja ose adoleshente.

LEXONI GJITHASHTU:

• I akuzuar për disa abuzime seksuale, gjykata jep vendimin për yllin e City-t

• “Në PS punuan kundër meje”- Messazhet kyçe të Ahmetaj: S’jam unë “koka e mbretit”