Ylli i Juventusit nuk paraqitet në stërvitje, irritohen drejtuesit e klubit

Douglas Luiz, mesfushori brazilian i Jyventusit, ka refuzuar të marrë pjesë në vizitat mjekësore dhe në nisjen e kampit stërvitor nën drejtimin e trajnerit Igor Tudor. Ky veprim i papritur ka shkaktuar pakënaqësi te drejtuesit e klubit, të cilët kanë paralajmëruar masa disiplinore të rënda ndaj lojtarit, duke shtuar mundësinë e largimit të tij gjatë merkatos aktuale.

Luiz u transferua nga Aston Villa verën e kaluar për 51.5 milionë euro në një marrëveshje që përfshinte edhe kalimin e Enzo Barrenechea dhe Samuel Iling Jr. në drejtim të klubit anglez. Megjithatë, mesfushori 27-vjeçar nuk ka arritur të përmbushë pritshmëritë, duke luajtur vetëm 27 ndeshje dhe duke u dëmtuar shpesh, si dhe duke pasur një formë të dobët që nuk i ka bindur as trajnerët e skuadrës, Thiago Motta dhe pasuesin e tij, Igor Tudor.

Sipas mediave britanike, Luiz është në qendër të interesit të disa klubeve të Premier League, përfshirë Manchester United, Ëest Ham, Everton dhe Manchester City. Agjenti i lojtarit ndodhet aktualisht në Angli për të gjetur një zgjidhje, ndërsa raportet mes Luiz dhe Juventusit janë përkeqësuar dukshëm, duke bërë që një ndarje të duket e pashmangshme.

Ky transferim konsiderohet si një nga më të dështuarit për Juventusin në vitet e fundit.

LEXONI GJITHASHTU:

• Juventus sfidon Milanin: Xhaka, një “trofe” që duhet fituar
• Milani i mahnitur nga Ardon Jashari, i ofrojnë 27 mln euro Club Brugge