Yuri Kim mesazh anëtarëve të KLP-së: Votimi për kreun e SPAK-ut të jetë objektiv

Ambasadorja amerikane, Yuri Kim deklaroi se votimi për kreun e ri të SPAK-ut, nga ana e anëtarëve të KLP-së, duhet të jetë objektiv dhe bazuar në kriteret e kualifikimet e kandidatëve.

Pak para votimit për drejtuesin e ri të SPAK-ut, Yuri Kim se votimi nuk duhet të bazohet në kërcënime apo favore, sepse kjo do e thyente integritetin e procesit.

Ndër të tjera, diplomatja vlerësoi të tre kandidatët që garojnë për këtë post.

“Ky është një çast i rëndësishëm. Është i rëndësishëm për anëtarët e KLP-së që kanë dëgjuar kandidatët dhe u kanë bërë pyetje të vështira. Jemi me fat sepse kemi 3 kandidatë që janë vërtet shumë të kualifikuar. Por përpara tyre kanë një vendim të vështirë. Baza e këtij vendimi duhet të jetë objektiv dhe duhet të jetë ekzaminim i kritereve dhe kualifikimeve. Nuk duhet të bazohen nga premtime kërcënimi ose premtime për favore.

Kjo do e thyente integritetin e atij procesi zgjedhjeje. Është gjithashtu e rëndësishme, për personin që do të zgjidhet në pozicionin  e kreut të këtij instutucioni, sepse ai person duhet ta kuptojë që është zgjedhur në bazë të kritereve dhe kualifikimeve të tij dhe jo në bazë të premtimeve për favore apo kërcënimeve, në mënyrë që ai të mos e pandehë veten se i detyrohet diçka dikujt”, theksoi ajo.

Në garë për kreun e SPAK-ut janë Adnan Xholi, Altin Dumani dhe Edvin Kondili, ku drejtues do të zgjidhet sot një prej tyre.

LEXONI GJITHASHTU

• ‘Ka shumë teori konspirative’, Yuri Kim flet përpara votimit të kreut të SPAK-ut
• Kondili habit KLP-në: Nëse zgjidhem drejtues, s’do i lë dosjet që kam nën hetim
• Zgjedhja e kreut të SPAK, ambasadorja Kim mbërrin në KLP