Za Fest “pushton” kalanë e Rozafës, artistët dhurojnë spektakël në natën e dytë

Tingujt e Za Fest pushtuan Kalanë “Rozafa”, duke krijuar një atmosferë fantastike.
Nën qiellin e hapur dhe me një pamje mbresëlënëse të qytetit, u zhvillua nata e dytë e “Za Fest”, e cila përmes muzikës përcolli art dhe emocion.

Artistë të njohur vendas dhe të huaj performuan live, duke krijuar një atmosferë të veçantë për publikun që kishte mbushur hapësirat e kalasë.

Për autorin e Za Fest, Vlashent Sata, ky festival tashmë është rikthyer në një aset kulturor që çdo vit perfeksionohet në çdo detaj.

Za Fest vazhdon të sjellë një përvojë ndryshe për të gjithë ata që duan të jetojnë artin në një ambient unik, mes historisë dhe natyrës.