Zbardhet kërkesa e Metës për të dëshmuar në “21 Janar”: Kam të dhëna të panjohura

Është zbardhur kërkesa e Ish-presidenti Ilir Meta e depozituar në SPAK për të dhënë dëshmi lidhur me çështjen e “21 Janarit”.

Kërkesa është paraqitur nga avokati i tij, pasi Meta ndodhet aktualisht në paraburgim. Në shkresën drejtuar Prokurorisë së Posaçme, ai shprehet se disponon informacione që mund të ndihmojnë në sqarimin e ngjarjes.

“Unë kam dijeni dhe mund të jap dëshmi të vlefshme për rrethanat e asaj ngjarje, dëshmi të cilat nuk janë të njohura nga organi procedues, të cilat mund t’i shërbejnë për të zbardhur ngjarjen”, shkruan Meta në kërkesën e dorëzuar.

Deklarata e Metës vjen një ditë pasi avokati i tij, Kujtim Cakrani, në emisionin “Breaking”, bëri të ditur se ish-presidenti ka dijeni për prova të cilat, sipas tij, mund të çojnë drejt zbardhjes përfundimtare të çështjes së “21 Janarit”.

LEXONI GJITHASHTU:

• Meta kërkon të pyetet për Janarin i dërgon kërkesë SPAK
• “Metamorfoza”, GJKKO jep dënimet për ish-shefin e Krimeve Dedan Gjoni dhe 5 të tjerë