Zbardhet porosia e Alibeajt për hapjen e dosjeve te ish-Sigurimit

Është zbardhur porosia që Enkelejd Alibeaj u ka nisur deputetëve demokratë, për ligjin e hapjes së dosjeve të ish-Sigurimit.

Në mesazhin e dërguar Alibeaj thotë se ligji i hapjes së dosjeve ka qenë betejë për PD që nga rithemelimi i saj prandaj deputetët duhet të votojnë pro.

“Pak më vonë është votimi për ligjin e dosjeve. Amendametet e GP te PD u morën parasysh nga PS, duke u tërhequr nga qëndrimi i mëparshëm i tyre dhe duke siguruar hapjen e plotë të dosjeve dhe deklasifikimin e tyre.

Pas aprovimit të të gjitha amendamenteve tona, GP i PD do të votojë PRO projektligjit. Lutem për deputetët që nuk janë prezent në sallë që të vijnë për këtë votim të rëndësishëm, për një çështje që PD e ka pasur betejë që nga themelimi i saj.”- thuhet në mesazhin e Alibeajt.

Pak më parë, Alibeaj, nga foltorja e Kuvendit u shpreh se hapja e plotë e dosjeve do të jetë një ndarje nga e kaluara por dhe nga tranzicioni 30-vjeçar.

Sipas tij, hapja e dosjeve duhet për të parë se kush kanë qenë punëtorët, ekzekutorët, ekspertët, drejtues burgjesh që vdekjen e njerëzve të pafajshëm e kanë pasur bukën e gojës të përditshme.

LEXONI GJITHASHTU: 

• Zbardhet porosia e Alibeajt për hapjen e dosjeve te ish-Sigurimit
• Hapja e dosjeve do pastrojë politikën, thotë ish-deputeti
• Hapja e dosjeve, Lea Ypi: Jemi vonë, të hidhet dritë mbi krimet e komunizmit