Zbardhet sherri me 1 viktimë në ish-Bllok, përplasja me kokë në bordurë fatale

Një 46-vjeçar ka humbur jetën pas një konflikti të ndodhur në orët e para të mëngjesit të 31-Marsit në zonën e ish-Bllokut.

Sherri ka nisur mes Henri Gjapi dhe Gentian Taljes, ndërsa më pas ka ndërhyrë edhe Artur Gjolena.

Gjatë përplajes fizike 46-vjeçari ka rënë në tokë dhe është përplasur me bordurën ku ka marrë plagë të rënda në pjesën e pasme të kokës.

Menjëherë është dërguar në spital për të marrë trajtim mjekësor.

Viktima deri pasditen e së martës ka qenë në gjendje stabël, por më pas ka shfaqur komplikacione duke sjellë humbjen e jetës.

Dyshohet se Gjapi dhe Talja në momentin e konfrontimit kanë qenë nën efektin e alkoolit.

Ngjarja nuk është raportuar nga policia e Tiranës, por 5 ditë pasi ka ndodhur konflikti ku gjeti vdekjen në spital 46-vjeçari.

Policia ka nisur kërkimet për të vën në pranga autorin e dyshuar të ngjarjes, 25-vjeçarin Henri Gjapi.

LEXO GJITHASHTU:

• U konfliktua me një person në rrugën “Vaso Pasha”, ndërron jetë 46-vjeçari në Tiranë
• Pazare me varret në Durrës, arrestohet tekniku i zbatimit të NSHK
• SPAK hetime të thelluara për 324 kg e kokainës në Durrës, arrestohen 4 persona