Kryetari i Lidhjes Demokratike të Kosovës, Lumir Abdixhiku, dhe disa deputetë të kësaj partie janë kërcënuar.

Në një përgjigje për Klankosova.tv, policia thotë se ka marrë masat e nevojshme lidhur me rastin.

Më herët në media u raportua se ka një plan për atentat ndaj kreut të LDK-së dhe deputetëve të kësaj partie.

Nënkryetari i kësaj partie, Kujtim Shala ka thënë për RTV Dukagjinin, se sot është pranuar një informacion i kësaj natyre.

“Mund të konfirmojë se ka pasur një lloj planifikimi në Kosovë dhe disa vende të BE-së dhe jashtë territorit të Evropës. Individët kanë rënë pre e përgjimeve të njërës prej agjencive intelegjente kryesore të  një vendi të BE-së. Nga ajo që na është thënë ka pasur një plan të strukturuar për atentat ndaj Abdixhikut dhe tre deputetëve të LDK-së”.

Shala thotë se atentati është planifikuar për arsye politike.

LEXONI GJITHASHTU:

• Maskat ndalojnë makinën e postës në Kosovë, dhunojnë shoferin dhe marrin paratë
• Shala: Ndoshta nuk do të ketë marrëveshje mes Kosovës dhe Serbisë