Zëdhënësi i Kremlinit pranon humbjet ‘e rëndësishme’ ruse

Zëdhënësi i presidentit Vladimir Putin, Dmitry Peskov ka deklaruar se Rusia ka pranuar më në fund humbjen e konsiderueshme të trupave.

Peskov u pyet nga Sky Neës, nëse lufta kishte qenë një “poshtërim” për Rusinë duke pasur parasysh se trupat ruse ishin tërhequr nga Kievi, dhe shumë prej tyre kanë rënë në fushën e betejës ndërsa Zelenksy vijon të jetë në pushtet.

Peskov u përgjigj se humbja e trupave ruse në Ukrainë ishte një “tragjedi e madhe” për Rusinë.

Peskov, i cili ka shërbyer si zëdhënës i presidentit rus që nga viti 2000, shtoi se Rusia po kërkon mënyra për t’i dhënë fund luftës.

“Ushtria jonë po bën çmos për t’i dhënë fund atij operacioni. Dhe ne shpresojmë që në ditët në vijim, në një të ardhme të parashikueshme, ky operacion do të arrijë qëllimet tona ose do të përfundojë me negociatat midis delegacionit rus dhe ukrainas”, tha Peskov.

Me 25 mars Rusia ka bërë të ditur se 1 351 ushtarë ishin vrarë dhe 19 mijë ishin plagosur në Ukrainë.

LEXONI GJITHASHTU:

• BE miraton sanksione në fushën e energjisë ndaj Rusisë
• OKB pezullon Rusinë nga Këshilli për të Drejtat e Njeriut