Zelenski urdhëron civilët që të evakuohen nga rajoni i Donetsk

Presidenti i Ukrainës, Volodimr Zelenski ka urdhëruar evakuimin e civilëve që ende jetojnë rajonin lindor të Donetsk, në zonat e pakta që ushtria ukrainase ka nën kontroll.

Duke folur gjatë një fjalimi mbrëmjen e së shtunës nga Kievi, Zelenski paralajmëroi për intensifikim të luftimeve, shkruan BBC.

“Sa më shumë njerëz të largohen nga rajoni i Donetsk tani, aq më pak njerëz do të vrasë ushtria ruse,” tha ai.

Donetsk ka parë përleshje të rënda mes një avancimi të ngadaltë nga forcat ruse, të cilat tashmë kontrollojnë pjesë të mëdha të tij.

“Ne do të përdorim të gjitha mundësitë në dispozicion për të shpëtuar sa më shumë jetë të jetë e mundur dhe për të kufizuar terrorin rus sa më shumë që të jetë e mundur,” shtoi presidenti.

Deklarata e Zelenskit vjen pasi Rusia ftoi zyrtarët e OKB-së dhe Kryqit të Kuq për të hetuar vdekjen e 50 të burgosurve ukrainas të luftës në një pjesë tjetër të rajonit të Donetsk, të kontrollurar nga separatistët e mbështetur nga Moska.

LEXONI GJITHASHTU

• Kush e goditi burgun? Rusia dhe Ukraina akuzojnë njëra-tjetrën
• Lufta Ukrainë-Rusi, shkatërrimi i një ure strategjike ndryshon situatën