Zelensky: Situata në lindje të Ukrainës është e vështirë

Presidenti i Ukrainës, Volodymyr Zelenskyy, ka thënë se situata në lindje, afër Toretsk, është “e vështirë”, mes përparimeve ruse në rajon.

Sipas mediave të huaja, ka pasur 14 përleshje luftarake të raportuara në zonën e Toretsk dhe 34 në sektorin e Pokrovsk që nga fillimi i ditës, tha Shtabi i Përgjithshëm i Ukrainës.

Rusia ka dërguar më shumë trupa në Pokrovsk sot, sipas ushtrisë ukrainase, për të mbështetur ofensivën atje, me sa duket në një përpjekje për të përfituar nga momenti.

Pavarësisht sukseseve në pushtimin e tij në Kursk, Kievi nga luftimet nw lindje ka humbur terren ndaj forcave ruse.

“Ukrainasit kanë qenë nën presion të jashtëzakonshëm [atje] për disa muaj, por po bëhet e patolerueshme tani në Toretsk, që është një vend mjaft i vogël, por është i rëndësishëm, sepse është afër Pokrovsk dhe Chasiv Yar,” analisti ushtarak i Sky News, profesor Michael Clarke.

Kjo e fundit, tha Prof Clarke, është e rëndësishme sepse është terren i lartë që kontrollon lëvizjen drejt Kramatorsk e Sloviansk dhe Pokrovsk është i rëndësishëm sepse është një qendër transporti dhe kontrollon lëvizjet në veri dhe në perëndim.

“Ata po përpiqen të ruajnë kontrollin e tyre në zonë”, shtoi Prof Clarke.

“Dhe ky është problemi këtu… Kramatorsk dhe Sloviansk janë vendet vërtet të rëndësishme, nëse Rusia i merr ato, ajo merr të gjithë Donbasin”, përfundoi ai.

LEXONI GJITHASHTU:

• Inkursioni në rajonin rus, Zelensky: Ukraina ka forcuar pozicionet në Kursk
• Ukrainasit avancojnë në Kursk, Zelensky: Po e arrijmë qëllimin, por na duhen armë