Zelenskyy: Do të nominoj Trump për Çmimin e Paqes nëse arrin armëpushim në Ukrainë

Zelenskyy ka punuar shumë për të fituar mbështetjen e Trump dhe duket se po bën disa përparime. Raketat Tomahawk janë në krye të listës së dëshirave të Kievit për armët amerikane, të cilat beson se mund t’i shkaktojnë dëme serioze Rusisë dhe ta detyrojnë atë të ulet në tryezën e negociatave.

Trump, i cili ka shprehur zhgënjim me Vladimir Putinin e Rusisë, ka sinjalizuar se është i hapur për t’i ofruar ato. Presidenti amerikan ka thënë se e meriton çmimin Nobel, të dhënë katër paraardhësve të tij në Shtëpinë e Bardhë, për atë që ai e ka përshkruar si përpjekjet e tij në sigurimin e marrëveshjeve të shumta të paqes.