Avokati Aranit Koci tha në një intervistë për Euronews Albania se Milan Radoiçciç, i cili akuzohet si organizator i sulmit në veri të Kosovës, e pret burgu afatgjatë.

Ai sqaroi në aspektin juridik se nuk ka marrëveshje ekstradimi mes Kosovës dhe Serbisë dhe në plan të parë gjasat për ekstradimin e Radoiçiç janë zero.

“Gjasat janë zero pa vullnet politik. Së pari, në Kushtetutën e vjetër të Republikës së Serbisë ka qenë e ndaluar të ekstradohen qytetarë të Republikës së Serbisë, pra kanë kërkuar të gjykohen në Serbi, ndërsa tani Kushtetuta e re në mënyrë eksplicite nuk e ndalon ekstradimin, por e ndalon ligji për bashkëpunim juridik ndërkombëtar në çështje penale. Aty, në mënyrë eksplicite ndalohet, përveç nëse ka një marrëveshje bilaterale mes Serbisë dhe shtetit kërkues, pra duhet të jetë marrëveshje mes dy shteteve dhe ajo marrëveshje tani për tani është e pamundur,” – u shpreh Koci.

LEXONI GJITHASHTU:

• Bugaiski: BE ka dështuar në dialogun Kosovë-Serbi, Lajçak të zëvendësohet
• Ministria e Punëve të Brendshme e Serbisë: Ndalohet Milan Radoiçiç