Zgjedhje të reja në Himarë? Dule: Populli zgjodhi Belerin, s’mund ta injorojmë

Kryetari i Partisë Bashkimi Për të Drejtat e Njeriut, Vangjel Dule tha në “Now me Erla Mëhillin” se nuk do të ketë një kandidat tjetër për bashkinë e Himarës dhe as zgjedhje të reja.

Pavarësisht vendimit të marrë këtë të martë në GJKKO për të lënë në burg kryebashkiakun e zgjedhur të Himarës, Dule tha se në këtë rast bëhet fjalë për vullnetin e sovranit ndaj duhet respektuar vota e lirë.

“Partia që është e para për nga preferencat e zgjedhësve në Himarë, pavarësisht nga manipulimet që kanë ndodhur është partia e Bashkimit për të Drejtat e Njeriut, për PBDNJ-në zgjedhjet kanë mbaruar më 14 maj.

Kryetari i bashkisë është Fredi Beleri. Ne nuk flasim për drejtor apo për ministër të cilët emërohen, ne flasim për vullnet sovrani.

Nëse ne duam realisht që vendi jonë të jetë shtet i të drejtës, ku të respektohet demokracia funksionale nuk mund të injorohet guri i themelit që janë zgjedhjet e lira e të ndershme. Prej tyre u vendos në krye të Himarës Fredi Beleri”,-tha Vangjel Dule.

LEXONI GJITHASHTU:

• “Po bën gabim të madh”, Iljazaj debat me gazetarin grek: Po i prish punë Belerit
• Muçollari: “Beleri” nuk është çështje minoritare, por e një përfaqësuesi të opozitës