Muçollari: “Beleri” nuk është çështje minoritare, por e një përfaqësuesi të opozitës

GJKKO ka dënuar me 2 vite burg kryebashkiakun e zgjedhur të bashkisë Himarë, Fredi Beleri.

Beleri akuzohet për blerje votash dhe u arrestua 2 ditë para zgjedhjeve të 14 majit, ndërkohë SPAK kishte kërkuar 2 vite e 6 muaj burg për të.

Rigels Muçollari, anëtar i kryesisë së Rithemelimit tha në emisionin Now në Euronews Albania se çështja Beleri nuk lidhet me Greqinë dhe duhet të zgjidhet brenda territorit të Shqipërisë.

Sipas tij, “Beleri” nuk është çështje e minoritetit, por me karakter plotësisht politik.

“Nëse Beleri ka krime të tjera të dënohet, në rastin konkret po flasim për një proces zgjedhor ku kryeministri e ka sulmuar, arrestohet para zgjedhjeve, merr votat. Nuk është çështje minoritare, është çështje e një përfaqësuesi të opozitës. Ka një përqasje politike”, tha ai.

LEXONI GJITHASHTU:

• Po bën gabim të madh, Iljazaj debat me gazetarin grek: Po i prish punë Belerit
• Flet gazetari grek që erdhi nga Athina për Belerin: Çfarë më bëri përshtypje