Zgjedhjet e 11 majit, Berisha: Do paraqes listën e të gjitha dokumenteve të dhunuara

Kreu i PD, Sali Berisha, vijon konferencat e përditshme me gazetarët pas humbjes në zgjedhjet e 11 majit. Edhe këtë të enjte, ai tha se këto zgjedhje ishin një farsë elektorale.

Ai nënvizoi se ka shembuj të panumërt që faktojnë ndërhyrjen në votën e diasporës në Greqi dhe Itali.

“Zarfet, votat, nuk u mbushën nga qytetarët e regjistruar, por në mijëra e mijëra prej tyre u plotësuan nga patronazhistë të dërguar nga Tirana, punonjës apo ish-punonjës të ambasadave, dhe sollën një manipulim të dalë jashtë kontrolli”, tha Berisha.

Ai shtoi se të enjten do të paraqesë listën e plotë të të gjitha dokumenteve të dhunuara në zgjedhjet e 11 majit.

LEXONI GJITHASHTU

• “Zgjedhjet ishin farsë elektorale”, Berisha: SPAK-u heshti para krimeve zgjedhore
• Berisha pyetet nëse ka folur me LaCivita-n pas humbjes, çfarë thotë kreu i PD-së