Zgjedhjet lokale, Berisha: Mbështes propozimin për kandidatë të përbashkët

Kryetari i Partisë Demokratike, Sali Berisha deklaroi se e mbështet propozimin për daljen me një kandidat të përbashkët me partitë e tjera opozitare, në disa qytete për zgjedhjet e ardhshme lokale.

Në një deklaratë për mediat jashtë ambienteve të Kuvendit, Berisha tha se do të ketë konsultime me aleatët gjatë ditëve në vijim.

“Ne po vazhdojmë konsultimet me aleatët, të përcaktojmë këto ditë format e daljes. Ka mendime që duhet të dalim me kandidatë të përbashkët dhe unë e mbështes këtë mendim.

Por ne jemi të hapur me aleatët tanë, të gjejmë format më të përshtatshme të një gare të suksesshme. Janë parti parlamentare dhe jo parlamentare. Do kemi një koalicion të gjerë’, theksoi kryedemokrati.

Disa ditë më parë, kryetari i Partisë së Lirisë, Ilir Meta nënvizoi se opozita duhet të dalë me kandidatë të përbashkët në të gjitha bashkitë e vendit, për zgjedhjet e ardhshme lokale.

Sipas tij, kjo është më e mira për opozitën, në kushtet kur vendi udhëhiqet nga mafia.

LEXONI GJITHASHTU

• Berisha: Veliaj presion Ramës për ta rikonfirmuar si kandidat në zgjedhjet lokale
• Regjistrimi i popullsisë në Serbi, Berisha: Vuçiç, projekt për dëbimin e shqiptarëve
• Miq dhe armiq, ‘romanca’ e vështirë politike Meta-Berisha në 22 vjet