Zgjedhjet lokale në RMV, 12 kandidatë në garë për Shkupin

Në qytetin e Shkupit, pritet të kulmojë gara e zgjedhjeve lokale në Maqedoninë e Veriut.

12 kandidatë dhe 15 lista këshilltarësh do të konkurrojnë për të udhëhequr kryeqytetin, si njësi e veçantë territoriale.

Kandidaturat më serioze janë kryetarit aktual nga LSDM, Petre Shilegov si dhe kandidatja e pavarur e përkrahur nga partia opozitare VMRO-DPMNE, Danela Arsovska.

Partitë shqiptare nuk kanë paraqitur kandidatë për kryeqytetin.

Benjamin Arifi, korrespondent i Euronews Albania në RMV bën me dije se partitë shqiptare në pushtet BDI, PDSH dhe Lëvizja Besa mbështesin kandidatin e LSDM.

Kurse Aleanca për Shqiptarët dhe Alternative, partitë shqiptare në opozitë mbështesin kandidaten e pavarur.

Sondazhet tregojnë se do të ketë një garë të ngushtë mes këtyre dy kandidatëve. Kryetari aktual premton tramvaj si zgjidhje për transportin publik duke lidhur katër skajet e kryeqytetit.

Kandidatja e opozitës ka premtuar modernizim të sistemit të transportit urban dhe ofrimi i këtij shërbimi falas për të gjithë qytetarët.