Zgjedhjet lokale, Paloka: Berisha në krye të grupit negociator me aleatët

Kryetari i Këshillit Kombëtar të Partisë Demokratike, Edi Paloka deklaroi se kryedemokrati Sali Berisha do të jetë në krye të grupit negociator me aleatët për kandidatët në zgjedhjet e ardhshme lokale.

Në një deklaratë për mediat nga selia blu, Paloka u shpreh se pas ditës së sotme, do të nisin kontaktet me aleatët.

“Menjëherë pas ditës së sotme, do të fillojnë kontaktet me aleatët, me të cilët do të bashkërendohet puna dhe gjithçka tjetër. Detajet sesi do veprohet në rast se do të vendoset që aleatëve t’iu lihet një zonë e lirë, apo modalitetet e tjera, do të përcaktohen gjatë bisedimeve.

Sot mbyllëm rregulloren, të gjitha këto do të përcaktohen në vazhdim. Nga nesër e tutje do të përcaktohet edhe ngrupi negociator. Besoj që vetë kryetari i Partisë Demokratike do të jetë negociatori kryesor, pra z. Berisha”, theksoi ai.

Në mbledhjen e sotme të Këshillit Kombëtar të Partisë Demokratike, u vendos që për kandidatët që do marrin pjesë në primaret, nuk do të votojnë vetëm anëtarët e kësaj force politike, por edhe simpatizantët.

Gjithashtu, kryetarët e degëve, nuk do t’i ushtrojnë funksionet e tyre, teksa kandidojnë në primaret.

Gjatë kohës që ata do kandidojnë në primaret, funksionet do t’i ushtrojnë nënkryetarët e degëve. Në mbledhje u vendos që të mbetet balotazhi si proces në primaret.

LEXONI GJITHASHTU

• Paloka: Në primaret nuk do votojnë vetëm anëtarët e PD-së, por edhe simpatizantët
• Berisha: Të organizojmë revolta të fuqishme dhe paqësore
• ‘Urgjente ndryshimi i situatës’, Berisha-demokratëve: S’fitohet vetëm me aktivitete