Zgjedhjet në RMV, protokoll i veçantë për votuesit, nënkryetarja Shehu shpjegon procedurën në Euronews Albania

Pas marrëveshjes mes partive politike, Maqedonia e Veriut po përgatitet për zgjedhjet e parakohëshme parlamentare.

Në kushte pandemie, komisioni për shëmundje infektive ka vendosur protokolle të veçanta të sjelljes së komisionerëve dhe votueve.

Gjithashtu është vendosur që votimi të ndahet në 3 faza, duke nisur nga data 13 korrik, e deri më 15 korrik.

Po ashtu, presidenti Pendarovski ka zgjatur me 8 ditë gjendjen e jashtëzakonshme e cila ka për qëllim përgatitjen pa pengesa të zgjedhjeve dhe veçanërisht zbatimin e masave për mbrojtjen e shëndetit publik gjatë procesit zgjedhor.

Në një intervistë për Euronews Albania, nënkryetarja e Komisionit të Zgjedhjeve në RMV, znj. Ditmire Shehu tha se komisioni ishte i gatshëm për të mbajtur zgjedhjet në protokolle të veçanta.

“Më 13 korrik do të votojnë personat që rezultojnë pozitivë me COVID-19, më 14 korrik do të votojnë personat e sëmurë dhe të paaftë dhe më 15 korrik do të votojnë të gjithë qytetarët e tjerë,” u shpreh znj. Shehu.

Ajo shtoi se ora e votimit është zgjatur me 120 minuta, kur qendrat e votimit do të mbyllen në orën 21:00.