Zgjedhjet në Turqi, gazetari: Sondazhet tregojnë se Erdogan nuk do të fitojë

Me 14 maj edhe në Turqi votohet për zgjedhjet e përgjithshme dhe ato presidenciale.

Këto zgjedhje cilësohen të rëndësishme për Presidentin Erdogan, i cili kërkon një tjetër mandat në krye të vendit.

Gazetari Sokol Brahaj në një lidhje të drejtpërdrejt për Euronews Albania tha se në bazë të sondazheve Rexhep Tajip Erdogan, këtë vit nuk do i fitojë zgjedhjet presidenciale.

Ai theksoi se sondazhet tregojnë se me shumë mundësi fiton opozita.

“Sondazhet e deri të premtes tregojnë se me shumë mundësi fiton opozita. Sipas burimeve Erdogan është duke u përgatitur për raundin e dytë dhe ai është i sigurt që në raundin e parë nuk do të mbarojë kjo punë. Raundi i parë  do të fokusohet te zgjedhja e deputetëve, kurse për president do të jetë raundi i dytë. Nëse ngelet për raundin e dytë jemi të sigurt që opozita do të fitojë”- tha ai.

LEXONI GJITHASHTU: 

• “U zbuluan nga telefonatat”- Si u kapën në lagjen në Londër vrasësit e Nikulajt
• Vdiq si hero duke shpëtuar fëmijën, mbahet ceremonia e varrimit për shqiptarin