Zgjedhjet për Bashkinë e Himarës, ky është numri i votuesve deri në orën 14:00

Ditën e sotme në Bashkinë e Himarës po mbahen zgjedhjet kryetarin e ri, ku garojnë kandidatët Vangjel Tavo i PS dhe Petro Gjikuria i opozitës.

Shifrat tregojnë se me shifrat e orës 14:00, pjesëmarrja në votime po i afrohet asaj të vitit 2023, pasi me shifrat e mesditës ishte rreth 4 % më e lartë.

Deri në orën 14:00 pjesëmarrja ka qenë 27.8 %, që përkthehet në rreth 6 mijë votues nga 23 mijë që janë në total në këtë Bashki.

Gazetari i Euronews Albania, Neritan Gjergo, ka dhënë më shumë detaje rreth procesit të votimit.

“27.8 % deri në orën 14:00, ku KQZ raporton të dhënat për 30 nga 36 qendra votimi. Në numër janë 5680 votues që kanë votuar deri në këtë orë, por me qendrat që u mungon raportimi këta votues mund të shkojnë deri në 6 mijë votues.

Ajo që vihet re në këtë orë të ditës është se po përafrohet numri i votuesve me atë të majit të vitit 2023. Pra në rast se u krijua një hendek deri në orën 12:00 në mesditë me 2-3 % numër më të lartë votuesish, tani po shkon te 1 % diferenca”, tha Gjergo.

LEXONI GJITHASHTU:

• Zgjedhjet në Himarë| Sa qytetarë kanë votuar deri në mesditë, ja shifrat
• Zgjedhjet në Himarë, djali i Fredi Belerit paraqitet në një qendër votimi