Zgjedhjet për PE| Gazetari nga Suedia: Pritet rritje e ekstremit të djathtë

Gazetari Niko Ago nga Suedia ka komentuar zgjedhjet për Parlamentin Europian që po vijojnë të mbahen edhe ditën e sotme në disa vende të unionit.

Në një lidhje për Euronews Albania, Ago tha se pritet një rritje e forcave të ekstremit të djathtë në ulëset e Parlamentit Europian.

Ai tha se ngjyrosja e hartës së zgjedhjeve pritet të jetë më blu dhe shtoi se kjo gjë i ka shqetësuar forcat e majta progresiste.

“Partia e ekstremit të djathtë në Suedi, që ka atë emrin e çuditshëm ‘demokrat suedez’, para pak kohësh u zbulua nga dy gazetarë, të cilët infiltruan zyrën e kësaj partie, zbuluan që partia kishte dhjetëra profile në rrjetet sociale për të baltosur partitë e tjera.

Opinioni suedez është i sensibilizuar për zgjedhjet e sotshme. Nuk mund të bëjë përjashtimin këtu Suedia dhe të mos shqetësohet për rritjen e partive të ekstremit të djathtë.

PE këtu e vite drejtohet nga e djathta. EPP është forca më e madhe e djathtë europiane, që ka marrë forcat më të mëdha parlamentare. Kësaj radhe do të rritet edhe grupi i dytë, ky i partive të ekstremit të djathtë, të cilat qeverisin në shumë shtete.

Mos harroni Melonin në Itali, Orban në Hungari, Le Pen do të zgjerojë forcat e saj. Edhe në Suedi Partia e Demokratëve Suedezë ka përqindje të madhe. Edhe në Finlandë ato po rrisin forcat e tyre. Ngjyra pritet të jetë më blu seç ka qenë. Kjo ka ngjallur shqetësim në forcat progresiste europiane”, tha Ago.

LEXONI GJITHASHTU:

• Kush i fiton zgjedhjet në BE: Rritet e djathta ekstreme, bien liberalët, kryeson PPE
• Partitë në Kosovë në mbështetje të partive simotra në zgjedhjet evropiane