Gazetari Gerti Shella tha se Roland Bejko e pati mundësinë të tërhiqej nga gara e të bënte thirrje që votat e tij ti bashkoheshin Belind Këlliçit kur pa se pëlqyeshmëria e tij ishte e ulët.

Duke ju referuar sondazheve të “Barometrit”, Shella tha se Bejko duhet të tërhiqej nga gara në momentinqë pa që pëlqyeshmëria e tij ishte 3%, por zgjodhi të mos “e shikonte në sy realitetin”.

“Si ka mundësi që zoti Bejko i cili në mënyrë konstante në 3 apo 4 vlerësime të “Barometrit” e pa veten me 3%, nuk zgjodhi që të lexonte realitetin deri në fund fare, sepse ai përfundoi me më pak se Arlind Qori.

Si ka mundësi që ky kandidat me profilin politik nuk zgjodhi në një moment të caktuar që të shikonte realitetin në sy dhe përmes shifrave tuaja dhe të dilte e të bënte thirrje “kjo është një malore që nuk ngjitet dot nga mua dhe bëj thirrje që votat e djathta t’i shkonin kandidatit që kishte numrat në epërsi të jashtëzakonshme në krahasim me të”,-tha në Euronews Albania, Gerti Shella.

LEXONI GJITHASHTU:

• Celibashi vlerëson Barometrin: Është krijuar një traditë e mirë dhe profesionale
• Zgjedhjet e 14 Majit, Ilirjan Celibashi: Proces i suksesshëm, por jo pa problematika