“Zhukri na zvarriti!” Pse po refuzohet regjistrimi i Lëvizjes Bashkë në zgjedhje?

Komisioni Qendror i Zgjedhjeve refuzoi kërkesën e “Lëvizja Bashkë”, për regjistrimin si subjekt politik në zgjedhjet lokale të 14 majit.

Klodi Leka, aktivist i kësaj lëvizjeje tha në një intervistë për Euronews Albania se vendimi i KQZ për të mos i regjistruar në zgjedhje është i qëllimshëm dhe i paligjshëm.

Ai akuzoi gjyqtarin Agron Zhukri se e zvarriti me 2 muaj vendimin për ta njohur si parti politike Lëvizjen Bashkë duke shkelur çdo afat që njeh ligji

“Në 22 dhjetor kemi dalë në rrugë dhe për 1 javë mblodhëm 3500 firmat e nevojshme për  t’u regjistruar si parti politike. Në 6 janar i dorëzuam në Gjykatën e Tiranës, e cila brenda muajit duhet të shprehej. Gjyqtari ishte Agron Zhukri që fillimisht na mbajti me mashtrime, do ta njohim sot do ta njohim nesër, duke e shtyrë datën e gjyqit deri 7 mars. Pas shkarkimit të tij, gjyqtari i ri brenda dy ditësh e njohu të ligjshme Lëvizjen Bashkë. Shkuam në KQZ ku çuam të gjithë dokumentacionin, por edhe KQZ refuzoi të na regjistronte duke thënë se nuk keni vendimin e formës së prerë që njihet partia. Për ne ky është një vendim i qëllimshëm dhje i paligjshëm”, tha Leka.

LEXONI GJITHASHTU:

• KQZ refuzoi kërkesën, Qori: Si do regjistrohet “Lëvizja Bashkë” në zgjedhje
• Lëvizja Bashkë s’regjistrohet në zgjedhje nga KQZ, Qori: Skandaloze dhe e paligjshme