Zjarr masiv në Kalimash të Kukësit, flakët përhapen me shpejtësi

Një zjarr masiv ka përfshirë malin, që shtrihet sipër tunelit të Kalimashit në Kukës.
Flakë janë përhapur me shpejtësi të ndihmuara edhe nga era.

Për këtë situatë, Kosova ka dërguar në Shqipëri një ekip të Forcave të Sigurisë së Kosovës (FSK) dhe mjete të tjera zjarrfikëse, me qëllim të ndihmojnë në neutralizimin e vatrave aktive zjarrit.
Ministri i Mbrojtjes së Shqipërisë, Niko Peleshi thotë se situata në Kalimash është e vështirë, ndërsa bën apel tek drejtuesit e mjeteve që lëvizin në këtë aks të tregojnë kujdes pasi tymi ka krijuar vështirësi në qarkullim.

Po ashtu në Kalimash kanë mbërritur forca zjarrfikëse nga Shkodra dhe Lezha për të asistuar në fikjen e zjarrit, i cili vijon të djegë hapësira të konsiderueshme me pyje, por fatmirësisht nuk raportohet për të lënduar në njerëz.