Zjarr në një shtëpi në Korçë, rrezikohen banesat e tjera

Një ndërtesë dy katshe në lagjen 11 të qytetit të Korçës është përfshirë nga flakët duke rrezikuar jetën e një 55 vjeçari, i cili në momentin e flakëve ka qenë brenda banesës.

Kane qene forcat e shërbimit zjarrfikës ata që kanë bërë të mundur nxjerrjen jashtë të 55 vjecarit që jetonte i vetëm në banesën që ndodhet në qendër të qytetit të Korçës.

Nga flakët rrezikoheshin dhe disa ndërtesa ngjitur, por ndërhyrja në kohën e duhur e shërbimit zjarrfikës si dhe të forcave të policisë ka bërë të mundur izolimin e flakëve të zjarrit, para se të përhapeshin në ndërtesat e tjera private.

Policia nuk ka bërë me dije shkaqet e zjarrit në ndërtesën dy katëshe por nuk përjashton mundësinë që zjarri të ketë ardhur nga pakujdesia e 55 vjecarit Dhimitraq Shofroni. Nga zjarri janë shkaktuar dëme të konsiderueshme por nuk ka patur dëme në ndërtesat e tjera private

LEXONI GJITHASHTU:

• Shtyhet gjyqi për “Gërdecin”, SPAK kërkon dëshmitar Shkëlzen Berishën
• Parkoi makinën në perimetrin e sigurisë së shkollës, ndëshkohet shoferi