Zjarr në pyllin mes Patosit dhe Mallakastrës, ndërhyjnë emergjencat dhe helikopteri

Një zjarr i madh ka përfshirë prej ditës së djeshme një sipërfaqe të konsiderueshme pylli me pisha në zonën midis Lofkëndit dhe Drenies, në kufirin administrativ të bashkive Patos dhe Mallakastër.

Që prej orëve të para të ngjarjes, në terren ndodhen forcat e Emergjencave Civile, zjarrfikësit e të dy bashkive dhe punonjës të tjerë ndihmës, të angazhuar në përpjekjet për kontrollin e flakëve. Ndërhyrja nga ajri me helikopter ka ndihmuar ndjeshëm në izolimin e disa prej vatrave aktive, por situata mbetet serioze.

Autoritetet bëjnë me dije se po punohet intensivisht për të parandaluar përhapjen e mëtejshme të zjarrit dhe për të mbrojtur pasurinë pyjore me rëndësi të veçantë për ekosistemin lokal.

Dyshohet se zjarri mund të jetë i qëllimshëm. Policia ka nisur hetimet dhe ka paralajmëruar se zjarrvënia e qëllimshme përbën vepër penale dhe dënohet sipas Kodit Penal.

LEXONI GJITHASHTU:

• Greqia: Bie numri i migrantëve që me pezullimin e kërkesave për azil
• Zbulohet plani sekret i Trump, ja çfarë përmban oferta për Putinin