Zjarri me dy viktima në Maliq, fqinja: Vajzën e shpëtoi një zonjë, kishte shumë tym

Një ngjarje e rëndë ka tronditur këtë të dielë Korçën ku si pasojë e zjarrit të rënë në banesë humbën jetën nënë e bir, Merjeme dhe Valter Azizllari. Fqinja e viktimave, Benereta Pashollari ka dhënë detaje të reja rreth ngjarjes tragjike teksa ka theksuar se vajza e vogël ka shpëtuar duke u larguar nga dritarja.

Ajo ka theksuar se familja Azizllari ishte punëtore po ishin në vështirësi ekonomike. Fqinja shton se dy fëmijë të çiftit ishin autikë.

“Familje punëtorë, ishin me ekonomi të dobët. Babai i fëmijëve punonte, ajo mbante dy fëmijët, i ushqente me aq sa kishte mundësi. Bashkia i ndihmonte çdo muaj plus që merrnin dhe ushqime dhe ndihmë ekonomike. Vajza ishte më e vogël se djali, djali në këmbë, vajza nuk lëvizte dhe aq. Nëna nuk kujdesej shumë për fëmijët. Ne të lagjes i flisnim, i thoshim “laji, shpëlaji”. E ndihmonim, çdo gjë i çonim. Si binte në qafë askujt. Të dy fëmijët ishin autikë.

Unë për momentin nuk isha por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerit dhe dihet që bëri shumë tym, pa flakë. Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në tel për të marrë diçka. Në atë kohë dëgjoi të thirrurat dhe vajza i binte derës. I binte me shkelma. Dëgjoi komshia, doli dhe komshia tjetër dhe pastaj arritën atje ku kanë arritur”, tha ajo.

LEXONI GJITHASHTU:

• Nëna humbi jetën nga asfiksia, policia me njoftim zyrtar per zjarrin në Maliq
• Nëna dhe djali 14-vjeçar humbin jetën nga zjarri, në gjendje të rëndë 6-vjeçari