Një tragjedi e rëndë ka ndodhur në orët e para të mëngjesit në diskotekën “Puls” në Koçan, ku një zjarr i shkaktuar nga shkëndijat e fishekzjarreve ka marrë jetën e 51 të rinjve dhe ka lënduar rreth 100 persona të tjerë. Zjarri shpërtheu pas përdorimit të mjetëve piroteknike, të cilat kapluan tavanin prej materiali lehtësisht të djegshëm.

Licenca e diskotekës ishte në fuqi deri më 24 mars, dhe ndonëse ka pasur disa ndryshime në pronësinë e diskotekës, pronari aktual i arrestuar ka qenë gjithmonë pjesë e strukturës pronësore. Hetimet për këtë ngjarje tragjike janë duke u zhvilluar në terren për të sqaruar rrethanat e zjarrit.

Prokuroria ka njoftuar se ka formuar një ekip prokurorësh, përfshirë pesë prokurorë nga Koçani, Shtipi dhe Shkupi, të cilët janë duke udhëhequr hetimet për këtë ngjarje tragjike, në bashkëpunim me shërbimet e tjera kompetente.

Në Shkup, ku janë pranuar disa nga të lënduarit, të afërmit e tyre po presin informacion për gjendjen e tyre. Një numër i madh qytetarësh ka ofruar ndihmën e tyre për dhurim gjaku, por Instituti për Mjekësi Transfuzionale ka njoftuar se ka sasi të mjaftueshme të gjakut dhe përbërësve të gjakut për të përballuar kërkesat.

LEXONI GJITHASHTU:

• Zjarri në Koçan| Kryeministri Mickoski: Ditë e trishtueshme për Maqedoninë e Veriut
• Rritet bilanci i vikitmave në RMV, 59 humbje jete dhe 148 të plagosur rëndë