Zjarri në Dukat vijon për të pestën ditë rresht, rrezikohet Parku i Llogarasë

Zjarri në malin e Dukatit vazhdon edhe këtë të mërkurë për të pestën ditë me radhë, ndërsa përpjekjet për ta vendosur nën kontroll janë intensive.

Në terren janë angazhuar 80 forca të ushtrisë dhe 32 punonjës të bashkisë, ndërkohë që ndërhyrjet po mbështeten edhe nga ajri me dy helikopterë që kryejnë hedhje uji mbi vatrat aktive.

Pavarësisht përpjekjeve, zjarri mbetet i përhapur në një sipërfaqe të madhe dhe është i vështirë për t’u izoluar për shkak të terrenit të thyer dhe erës.

Autoritetet kanë ngritur alarmin për rrezikun serioz që flakët të përfshijnë Parkun Kombëtar të Llogarasë, një zonë me biodiversitet të pasur dhe vlera të veçanta natyrore.

Zjarri në malin e Dukatit vijon edhe sot për të pestën ditë radhazi, ndërsa përpjekjet për ta vënë nën kontroll vazhdojnë me intensitet.

Në terren janë angazhuar 80 forca të ushtrisë dhe 32 punonjës nga bashkia, ndërkohë që ndërhyrja po mbështetet edhe nga ajri me dy helikopterë pic.twitter.com/2o16Esqrxf

— Euronews Albania (@EuronewsAlbania) July 23, 2025

Situata e zjarrit në zonën e Dukatit në Vlorë vijon të jetë kritike. Flakët i janë afruar parkut Kombëtar të Llogarasë. Për të frenuar përhapjen Ministria e Mbrojtjes ka vënë në përdorim dy helikopterët ‘Cougar” pic.twitter.com/uCqZS6Ylpp

— Euronews Albania (@EuronewsAlbania) July 23, 2025

LEXONI GJITHASHTU: 

• Flakët në malin e Dukatit jashtë kontrollit, digjen sipërfaqe të mëdha me pisha
• Zjarri në Dukat hyn në ditën e katërt, ndërhyjnë avionët grekë