Dorëhiqet ministri i Shëndetësisë dhe tre zyrtarë të tjerë pas tregjedisë në Tetovë

Ministri i Shëndetësisë, Venko Filipçe dhe tre zyrtarë shëndetësorë në Maqedoninë e Veriut kanë dhënë dorëheqje pas ngjarjes së rëndë në spitalin ambulant të Tetovës, ku 14 pacientë humbën jetën dhe disa të tjerë mbetën të plagosur nga shpërthimi i bombolave të oksigjenit.

Pas ministrit, personat e tjerë që kanë dhënë dorëheqje janë drejtori i spitalit të Tetovës, Florin Besimi, drejtorin ekonomik në këtë spital Artan Etemi si dhe zv.ministri i Shëndetësisë Ilir Hasani.

“Dorëheqja ime nuk do t’i ngushëllojë familjet, por besoj se do të vendos një linjë morale të cilën të gjithë ne si shoqëri e kemi harruar.Humbja e jetës njerëzore në një gjendje të tillë është tragjedi e madhe”, shprehet Besimi.

Për të zbardhur të vërtetën, qeveria e Maqedonisë së Veriut ka kërkuar ndihmë nga hetuesit gjermanë, të cilët janë të specializuar për hetimin e fatkeqësive dhe aksidenteve të tilla.

Spitali ambulant i Tetovës u hap pas muajit prill si strukturë plotësuese për Spitalin Klinik. Kjo strukturë shëndetësore ka një kapacitet trajtues prej 35 pacientësh.

Tetova është qyteti i dytë pas Shkupit me më shumë raste me COVID-19 në Maqedoninë e Veriut.