“Zjarrvënie e qëllimshme”, Hoxha: Garda po bën detyrën, do shkojmë në Prokurori

Ministri i punëve të Brendshme Ervin Hoxha tha në Kuvend se do të mblidhen të gjitha provat lidhur me incidentin kur u dogjën karriget e parlamentit nga deputetët e opozitës.

Ai tha se kjo quhet zjarrëvenie e qëllimshme dhe të gjitha provat do të çohen në prokurori, ndërsa shtoi se garda po bën detyrën duke mos lejuar deputetët e përjashtuar të hynë në Kuvend.

“Të nderuar deputetë, dëshiroj të informoj opinionin publik, se këtu nuk bëhet fjalë për deputetët e përjashtuar dhe hyrjen e tyre. Garda e Republikës  është duke kryer detyrën. Një pjesë e juaja e cila nuk po i përmbahet rregullave dhe regjimit të brendshëm. Atëherë këtu bëhet fjalë për zjarrëveie të qëllimshme. Të gjitha provat do fiksohen dhe do bëjmë një kallëzim penal drejtuar prokurorisë”,-tha ministri Ervin Hoxha.

LEXONI GJITHASHTU:

• “Na dhunuan, garda theu ligjin!” Hoti: Nuk mundet të kontrollojë fizikisht deputetët
• Tensione jashtë Kuvendit, Noka tenton t’i vërë flakën banderolës, Sula djeg xhaketën