“Na dhunuan, garda theu ligjin!” Hoti: Nuk mundet të kontrollojë fizikisht deputetët

Seanca plenare e mbajtur këtë të enjte është ndërprerë, pasi deputetët socialist kanë shfaqur shqetësuar nga aroma e lëndës që hodhi deputetja e opozitës Elda Hoti.

Ajo tha në ambientet e jashtme të Parlamentit se Garda e Republikës në kundërshtim me ligjin ka tentuar të kontrollojë fizikisht deputetët.

“Nuk ka asnjë të drejtë garda e republikës që të bëjë kontroll fizikë të deputetëve. Këtë të drejtë nuk e ka as prokuroria për sa kohë deputeti ka mandatin. Nuk mundet garda e republikës me urdhër të Elisa Spiropalit të dhunojnë gratë kryesisht, se e kanë merak këta e flasin ën emër të grave. Nuk jemi lejuar të futemi në parlament sepse këta donin të na bënin kontroll fizik. Diçka që është e paligjshme”,-tha Hoti.

Lidhur me lëndën e lëngshme që ajo hodhi në Parlament, zonja Hoti tha:

“Ajo që hodha në Parlament nuk ishte asgjë që mund të rrezikonte jetën e deputetëve. Ajo ishte aromatizues, le ta verifikojë, prokuroria a SPAK-u. Unë nuk trembem. Misionin do e çojmë deri në fund”,-tha Hoti.

LEXONI GJITHASHTU:

• Denoncimi i PD, Policia reagon për Euronews: Nuk ka asnjë efektiv me armë
• Denoncimi i Gazment Bardhit: Efektivi i FNSH i drejtoi armën deputeti të PD