Kryetar i shoqatës “Vatra”, Bora Zukali, është shprehur se në zonat e prekura nga tërmeti në Turqi jetojnë rreth 50 mijë shqiptarë.

I ftuar në emisionin “Good Morning Albanians” në Euronews Albania, ai theksoi se deri më tani nuk është raportuar për të lënduar.

Më tej ai shtoi se dy pallate në Adanas ku jetonin shqiptarë, janë shembur por nuk dihen detaje për të lënduar apo për viktima.

“Në qytetet e prekura nga tërmeti në Turqi jetojnë 12 milion njerëz. Në ato zona, të paktën jetojnë 50 mijë shqiptarë. Ka shqiptarë nga Kosova, Maqedonia, Çamëria. Kemi pasur komunikime.  Nuk ka të lënduar. Vetëm në qendër të Adanas, në dy pallate ku jetojnë shqiptarë të Sanxhakut janë rrëzuar, por nuk dimë me detaje.”- tha ai.

LEXONI GJITHASHTU: 

• Mjekja Dollenberg: 90 % e të sëmurëve që na vijnë janë me grip stinor
• Mulaj: Për çfarë po nxiton Vuçiç dhe letra eBiden që po ndryshon ujërat në Ballkan