Zyrtare: Joao Felix transferohet te Al-Nassr, i bashkohet Ronaldos

Klubi saudit Al-Nassr ka finalizuar transferimin e sulmuesit portugez Joao Felix nga Chelsea. Futbollisti portugez ka firmosur me klubin arab një konratë dy-vjeçare.

Lajmi u konfirmua nga vetë klubi përmes një postimi në rrjetet sociale, ku u prezantua 25-vjeçari si përforcimi më i ri i skuadrës.

Sipas mediave britanike, marrëveshja është mbyllur për një shumë fillestare prej 30 milionë euro, ndërsa shifra totale mund të arrijë deri në 50 milionë euro përmes bonuseve të ndryshme të performancës.

Felix e nisi karrierën te Benfica, për t’u transferuar më pas te Atletico Madrid për 126 milionë euro, një nga blerjet më të shtrenjta në historinë e klubit spanjoll. Më vonë ai kaloi te Chelsea për 52 milionë euro, por nuk arriti të lërë gjurmë në Premier League.

Sezonin e fundit, Felix ishte i huazuar te Milani, ku regjistroi 21 paraqitje dhe shënoi tre gola. Transferimi te Al-Nassr sinjalizon një kapitull të ri për portugezin, tashmë pjesë e një kampionati që po tërheq gjithnjë e më shumë yje të njohur të futbollit europian.

LEXONI GJITHASHTU:

• Arrihet akordi me Isak, Liverpool drejt zyrtarizimit të sulmuesit suedez
• Milani i mahnitur nga Ardon Jashari, i ofrojnë 27 mln euro Club Brugge