Zyrtari i PD: Po e preva biletën për të ikur në emigrim, s’ka protestë që më ndalon

Zyrtari i Partisë Demokratike, Dorian Teliti, është shprehur se Shqipëria është shpopulluar gjatë viteve të qeverisjes së kryeministrit Edi Rama.

Komentet Teliti i bëri në emisionin “Now me Erla Mëhillin” në Euronews Albania, ku tha se qytetarët duhet të protestojnë për arsyet që i detyrojnë të shkojnë në emigrim.

Ai tha se në momentin që një qytetar ose ai vetë do të vendosë për të shkuar në emigrim, nuk ka protestë dhe lëvizje që ia kthen mendjen.

“Në 2008 e kishim moshën mesatare 29-30 vjeç dhe sot e kemi 40 vjeç. Lindshmëria është katastrofë, të gjitha këto të tjerat janë pasojë. U bë protesta te Aeroporti e një përfaqësuesi sindikate, çfarë proteste është ajo? Për mua duhet të protestosh për të gjitha arsyet që e çojnë Dorianin te aeroporti.

Doriani po shkoi ta presi biletën te aeroporti, të marrë nusen e vet, të marrë dy vajzat e veta, e të iki hashtë, ti bëj protesta sa të duash, ngrije zërin, por Doriani e ka ndarë mendjen që do iki jashtë. Ne kemi shumë sindikata, por ato nuk janë funskionale si duhet”, tha Teliti.

LEXONI GJITHASHTU:

• Dukati i Vlorës drejt shpopullimit, dikur me 350 familje, sot vetëm 200 banorë
• Kanina drejt shpopullimit, nga 620 familje, sot vetëm 120! Të huajt blejnë shtëpitë