Ndërtimi dhe pronat e patundshme janë ato që dhanë më shumë kontribute në rritjen ekonomike në vend. Vetëm gjatë vitit të kaluar, industria shënoi 1.3 miliard euro shitjesh, arkëtimi rekord që nga 2019-ta.

Kërkesa për prona të patundshme ka vijuar të jetë e lartë përgjatë vitit 2023.

Sipas INSTAT, shitjet neto, sipas aktivitetit ekonomik, për prona dhe ndërtime arritën në 136.8 miliardë lekë ose 1.3 miliardë euro vetëm vitin e kaluar, niveli më i lartë historik.

Sipas të dhënave, vlera e shitjeve ka filluar të rritet pas vitit 2019 ndërkohë që në 2022 dhe 2023 volumi i shitjeve u rrit me ritme më të shpejta.

Aktiviteti i ndërtimit dhe pasurive të paluajtshme kanë pësuar rritje vitet e fundit. Në përbërjen e prodhimit të brendshëm bruto, industria e ndërtimit zë pjesën më të madhe. Edhe në kontributin e rritjes ekonomike, industria e ndërtimit është ajo që dha kontributin më të madh, me 1.28% vetëm në tre mujorin e fundit të vitit të kaluar.

Por pesha që aktiviteti i pronave të patundshme dhe ndërtimit zë në ekonominë e vendit është në pozicion të zhdrejtë me tkurrjen së popullsisë, e cila për shkak të plakjes dhe emigracionit, ka ulur ndjeshëm fuqinë blerëse.

Gjithashtu çmimet e apartamenteve në kryeqytet janë shumë më të larta sesa të ardhurat mesatare, teksa Shqipëria renditet ndër vendet me fuqinë blerëse më të ulët në rajon.

LEXONI GJITHASHTU:

• Rënia e lindjeve alarmante/ INSTAT: Në vitin 2023 lindën 27,281 foshnja
• Drejtoresha e INSTAT: Kur pritet të publikohen rezultatet e censit të popullsisë