10-vjeçarja në Tiranë largohet nga shkolla, Policia e gjen në banesën e gjyshërve

Një 10-vjeçare në Tiranë është larguar mesditën e sotme nga shkolla në zonën e Freskut pa dijeninë e prindërve.

Policia pasi mori kallëzimin është vënë në lëvizje duke kqyrur kamerat e sigurisë dhe e ka gjetur atë në banesën e gjyshërve në zonën e Laprakës.

Gjatë intervistimit në prani të prindërve e psikologëve, e mitura është shprehur se është larguar me dëshirë nga shkolla.

Njoftimi i Policisë:

Tiranë-Ditën e sotme, rreth orës 14:50, është marrë njoftim se një nxënëse 10 vjeçe, që frekuenton një shkollë në zonën e Freskut, është larguar nga ambientet e shkollës pa dijeninë e prindërve dhe stafit të shkollës dhe nuk dihej vendndodhja e saj.

Shërbimet e Komisariatit të Policisë Nr. 4 pas marrjes së njoftimit janë angazhuar maksimalisht për gjetjen e saj me anë të shërbimeve të terrenit dhe duke këqyrur kamerat e sigurisë të bizneseve përreth shkollës.

Pas kryerjes së verifikimeve në terren është bërë lokalizimi i 10-vjeçares, e cila është gjetur në banesën e gjyshërve të saj, në zonën e Laprakës.

E mitura është intervistuar në prani në prindërve dhe psikologëve dhe gjatë intervistimit ka deklaruar se është larguar nga shkolla me dëshirë.

LEXONI GJITHASHTU:

• EMRI| Ishte larguar nga banesa, Policia shpëton nga mbytja në lumë të moshuarin
• Policia e Kosovës: Efektivët vazhdojnë të trajnohen edhe nga SHBA