108 gra të burgosura në Ukrainë lirohen

Ukraina tha se ka kryer një tjetër këmbim të burgosurish “në shkallë të gjerë” me Rusinë, duke shtuar se të gjithë të liruarat janë gra.

Kjo është hera e parë që Kievi dhe Moska këmbejnë të burgosura gra, qëkur Rusia ka nisur pushtimin e Ukrainës në fund të shkurtit.

Andriy Yermak, kreu i Zyrës presidenciale, tha në Telegram se këmbimi ndodhi më 17 tetor dhe janë liruar 108 gra.

Qyteti-porti i Mariupolit ra nën kontrollin rus në muajin maj, shkruan Radio Evropa e Lirë.

Shumica e grave ishin anëtare të forcave të armatosura të Ukrainës. Yermak postoi një fotografi të grave duke ecur në një rrugë dhe shumica nga to ishin të veshura me uniforma.

LEXONI GJITHASHTU:

• Bombardimet vrasin çiftin në Ukrainë, gruaja ishte shtatzënë
• Avioni luftarak përplaset me ndërtesën shumëkatëshe në Rusi
• BE miraton misionin ukrainas, Hungaria: S’do kontribuojmë në stërvitjen e ushtarëve