1304 metra kuq e zi me origam, flet artistja që krijoi flamurin më të madh në botë

Artistja nga Kosova, Arbnora Fejza, emri i të cilës është shkruar tre herë në librin e rekordeve botërore Guinnes ne kuadrin e festes se 28 Nëntorit paraqet punimin e saj më të ri.

Ai është flamuri shqiptar më i madh me origam, qe njihet si palosja e fletëve, i cili garon për rekordin Guiness.

Në një intervistë për Euronews Albania, artistja nga Kosova tha se projekti i përgatitur posaçërisht për festën e Pavarësisë së Shqipërisë, ka qenë i vështirë pasi ka kërkuar saktësi dhe sakrificë.

Ajo tregoi se flamuri shqiptar është projekti më i madh i këtij lloji në botë, me sipërfaqe mbi 1300 metra katrorë.

“Ky projekt është i jashtëzakonshëm dhe është punuar për pavarësinë e Shqipërisë. Punimi ka qenë i vështirë se është dashur saktësi dhe mund. Është një projekt gjigant mbi 1300 metra katrorë. Është projekti më i madh në botë që presim të certifikohet nga Guiness”, tha ajo.