“41 deputetë i kemi “memecë” në Parlament”, Daci: Ky është degradim i politikës

Politologu Alban Daci tha në një intervistë për Euronews Albania se parlamenti shqiptar ka degraduar dhe kjo gjë duhet të ndryshojë sa më parë.

Ai tha gjithashtu se sipas rezultateve të një studimi nga Instituti i Studimeve Politike, 41deputetë nuk kanë mbajtur asnjë fjalim në vitin 2023.

“Partia Demokratike ka momentin ku duhet të investojë në figura të cilat do e përfaqësojnë në mënyrë dinjitozë. Duhet të kemi parasysh edhe një fakt tjetër po aq shumë të rëndësishëm që tregon degradimin e këtij niveli përfaqësimi në parlament dhe nivelin e dobët të kësaj legjislature.

Instituti i Studimeve Politike ka bërë një studim që tregon se rreth 41 deputetë nuk kanë mbajtur asnjë lloj fjalimi vitin e kaluar. Pyetja e thjeshtë është, pse duhet të jenë në parlament këta persona? Çfarë interesi kanë këta që kanë ardhur në parlament? E kuptoni që kemi 41 memecë dhe ne kërkojmë të bëhen komisione hetimi”,-tha politologu.

LEXONI GJITHASHTU:

• “Si në komunizëm”, Abilekaj: Partia dhe qeveria u mblodhën në resort
• Berisha: Sot ishte një ditë beteje në Parlament, ngrihuni si deputetët tuaj pa kthim